اخر يوم ؟؟؟؟؟

يا تري يا جماعه ممكن نعمل إيه لو عرفنا إن أنهاره هو أخر أيامنا في الدنيا وبكره هانكون في عالم تاني غير العالم اللي إحنا عايشين فيه اللي بنعمل فيه الذنوب من غير حساب بنعملها عمدا وسهوا ونسيانا يا تري يا جماعه فكرنا في ظلمة القبر فكرنا في وقفتنا بين يدي الرحمن مش عارفين نقوله أيه عن ذنوبنا يا تري جهزنا حجه مقبولة ويا تري فكرنا لو ربنا قبضنا إليه الناس هتذكرنا ازاي بالخير ولا بالشر ولا يمكن متفتكرناش خالص لأن إحنا في حياتنا مكنش لينا أي لازمه لأي حد ....... يا تري يا جماعه فكرنا ولا مفكرناش ولما فكرنا وقفنا بس عند التفكير ولا غيرنا من نفسنا وحاولنا نكون قدوة طيبه للإسلام حاولنا نحيي سنة رسولنا الحبيب ....... إحنا مش هنقولكم اعملوا كذا وكذا إحنا مهمتنا إن إحنا نساعدكم ونساعد نفسينا لان إحنا مش احسن منكم ولا أزيد منكم في حاجه إحنا فكرنا في حاجه وقولنا ناخد حسناتها سوا هانساعد بعض علي الدنيا ومفاتنها وعلي الشيطان ووسوسته وعلي مجاهدة نفسنا و هانبدء بيوم واحد في الأسبوع اليوم ده ها نسميه يوم بلااااااااااااااااااااااااا ذنوب و هانعمل بينا مسابقه في اللي ها يعمل حسنات اكتر في اليوم ده و هانسيب التحكيم لربنا و الجايزه كمان هاتبقي من عند ربنا عايزين كل نفس يطلع مننا في اليوم ده يكون في طاعة ربنا وفي عبادته ......... ودلوقتي بقي هانقولكم بعض الحاجات اللي ممكن نعملها في اليوم ده نكسب من خلالها حسنات
1- الصوم لو كان علينا أيام لم نصومها أو صيام الاثنين والخميس

2- الصدقة ولو بشيء بسيط ربع جنيه مثلا
3- قراءة جزء من القرءان أو اكثر
4- الاستماع إلي القرءان
5- قيام الليل بأربع ركعات او اكثر
6- صلاة الفروض الخمس بسننها كاملة 12 ركعة في أول الوقت
7- الاستغفار 100 مرة أو اكثر
8- الذكر
9- صلة الرحم سواء كان ذلك بالسؤال بالتليفون او الزيارة
10- زيارة يتيم وهناك دار أيتام الصداقة
11- زيارة مريض وذلك ثوابه كبير جدا
12- غض البصر في الشارع وعن التلفزيون يعني منشوفش التلفزيون خالص اليوم ده
13- الخروج بملابس فضفاضة محتشمة
14- الآمر بالمعروف والنهي عن المنكر يعني لو شفنا حاجه غلط منقفش ساكتين
15- بر الوالدين وتنفيذ أوامرهم بدون مناقشه أو جدال
16- القراءة في كتاب ديني نافع
17- الدعاء لنا ولموتانا ونتذكر إن إحنا هانكون مكانهم واد إيه هانكون محتاجين للدعوة
18- معاملة الناس بالحسنى
19- مسك اللسان عن الغيبة والنميمة والكلام علي الناس
دي كانت بعض الحاجات اللي إحنا ممكن نعملها في اليوم ده وناخد منها حسنات وإحنا عايزينكم انتم كمان تفكروا في حاجات تانيه ممكن نعملها تدينا حسنات وكل واحد وشطارته
وفي النهاية عايزين نقولكم إن اللي مش هايشترك معانا هوا اللي هيخسر وإحنا مش هنخسر حاجه إحنا هنعمل كده بيه أو من غيره بس إحنا نفسنا نبقي بيه
ربنا يكرمنا ويرزقنا الإخلاص في العمل ويجعل عملنا عنده مقبولا

صلوا علي حبيبي وسيدي رسول الله عساه أن يشفع لنا ويرزقنا شربة من حوضه لا نظمأ بعدها أبدا


للامــــــــــــــــــــــانة منقوووووووووووووووووووول